2 kaso ng namatay sa Japan posibleng nahawaan ng omicron variant

Dalawang lalaki na kamakailan ay namatay sa Japan ay posibleng nahawahan ng omicron variant ng coronavirus.

Ang Osaka Prefectural Government ay nag-anunsyo noong Enero 12 na isang lalaking nasa edad 80 na pinaghihinalaang infected ng omicron strain ang namatay. Ito ang unang naiulat na namatay sa prefecture.

Ayon sa prefecture, ang lalaki ay may dati nang kondisyon at namatay noong Enero 8. Nagnegatibo siya sa delta variant ng virus, ngunit dahil hinala ng mga opisyal na nahawahan siya ng omicron strain, sinusuri ng prefectural government ang genome structure.

Samantala, inanunsyo ng Shizuoka noong Enero 12 na malaki ang posibilidad na ang isang matandang lalaki na namatay habang naospital sa isang institusyong medikal sa gitnang lungsod ng Japan ay nahawahan ng omicron. Nagnegatibo siya sa delta strain.

Ayon sa munisipal na pamahalaan, ang lalaki ay may malubhang kondisyon at namatay noong Enero 11. Matapos makapanayam ang institusyong medikal, naniniwala ang pampublikong sentro ng kalusugan ng lungsod na malaki ang posibilidad na ang Omicron ang sanhi ng paglala ng kanyang dati nang kondisyon.

(Orihinal na Japanese ni Yasutoshi Tsurumi, Osaka City News Department, at Hideyuki Yamada, Shizuoka Bureau)