Nagbabala ang Environment Ministry ng Japan na ang napaka daming cedar pollen, isang allergen o tinatawag na kafunsho na nagdudulot ng pagbahing at sipon, ay inaasahang nasa hangin ngayong season sa maraming bahagi ng bansa.
Upang matantya ang dami ng pollen na ikakalat, binibilang ng ministeryo ang bilang ng mga male flower buds sa mga cedar tree sa 34 na prefecture.
Napag-alaman ng ministeryo na sa panahong ito ang bilang ng mga buds ay lumampas sa average sa nakalipas na 10 taon sa 23 prefecture mula sa southern Tohoku hanggang Kyushu.
Ang mga bud-count ay ang pinakamataas sa loob ng isang dekada sa 12 prefecture: Fukushima, Tokyo, Kanagawa, Niigata, Toyama, Ishikawa, Kyoto, Hyogo, Okayama, Tottori, Hiroshima at Fukuoka.
Ang mga bilang para sa Tottori, Toyama at Okayama ay higit sa doble sa average, at halos doble sa ilang iba pang prefecture.
Sinabi ng ministeryo na ang mga lugar na may mas mataas sa average na bilang ng mga male buds ay may mas mahabang oras ng liwanag ng araw at mas mataas na temperatura noong nakaraang tag-init.
Sinasabi ng ministeryo na ang mga hakbang tulad ng paglalagay ng gauze pad sa loob ng face mask, pagpapatuyo ng mga labada sa loob ng bahay at madalas na paglilinis ng sahig ay maaaring maging epektibo.
Join the Conversation