OKAYAMA, Japan (Kyodo) — Isang lalaking Vietnamese na nagtrabaho bilang technical trainee sa isang construction company sa western Japan ang nagsabi noong Lunes na siya ay marahas na inabuso ng mga kasamahan sa trabaho sa loob ng humigit-kumulang dalawang taon at nagde-demand ito ng apology at danyos mula sa kumpanya at organisasyon na nagpapasok sa kanya.
Sa pagsasalita sa isang press conference sa Okayama kasama ang isang kinatawan mula sa kanyang union ng manggagawa na Fukuyama Union Tampopo, sinabi ng 41-anyos na siya ay nagdusa ng mga pinsala kabilang ang mga bali ng buto bilang resulta ng pang-aabuso, na nagsimula mga isang buwan pagkatapos niyang magsimulang magtrabaho sa kumpanya. Dumating siya sa Japan noong taglagas ng 2019.
Makikita sa video footage ng pang-aabuso ang lalaki na hinahampas ng walis sa ulo at katawan habang nagtatrabaho sa likod ng isang trak, at sa isa pang clip ay dahil hindi siya nakasagot ng maayos sa wikang Japanese ay sinuntok siya sa katawan.
Mapapanood dito ang video:
https://news.yahoo.co.jp/articles/4cf6c54e51e0f07b2ed2d50659155928cec9e519
Sinabi rin ng lalaki na nabalian siya ng tadyang matapos sipain ng isang kasamahan na nakasuot ng safety boots, at nabali ang ngipin at nangangailangan ng mga tahi sa labi matapos ibato sa kanya ang isang plantsa at tumama sa mukha.
Ang lalaki, na dinala sa proteksiyon na kustodiya pagkatapos kumonsulta sa union noong Oktubre 2021, ay nagsabi na nais niyang lumipat sa ibang kumpanya sa Japan at hindi nag-ulat ng mga insidente sa pulisya.
Sa pagsasalita sa press conference sa pamamagitan ng isang interpreter, sinabi niyang tumahimik siya dahil ayaw niyang magkagulo ang kanyang pamilya o iba pang technical trainees.
Tumangging magkomento ang isang abogado na kumakatawan sa kumpanya ng konstruksiyon, na nagsasabing nasa proseso ito ng pakikipag-ayos sa isang settlement, habang ang isang opisyal ng nangangasiwa na organisasyon ay umiwas din na magkomento sa claim, na binanggit ang patuloy na mga talakayan sa settlement.
Join the Conversation