Mga mag-aaral mula sa Tonga na nasa Japan ay nag-aalala para sa kanilang bansa

Ang mga estudyanteng Tongan na nag-aaral sa Japan ay nag-aalala tungkol sa kanilang mga pamilya at kaibigan sa kanilang bansang sinalanta ng bulkan.

Isang napakalaking pagsabog ng bulkan noong Sabado ang nakagambala sa mga koneksyon sa telepono at internet sa isla nang bansa sa South Pacific.

Tangimana Lata I Faingataa at Kaufusi Liekina He Lotu Kapiolani ay mga nakatatanda sa Nippon Bunri University sa Oita Prefecture,
timog-kanluran ng Japan. Pareho silang 23 taong gulang at kabilang sa rugby team ng unibersidad.

Ang ina ni Tangimana ay nakatira sa capital ng Tonga, habang ang kanyang ama at anim na kapatid ay nakatira sa ibang isla. Tinawagan niya sila at nagpadala ng mga liham, ngunit walang natanggap na tugon.

Sinabi ni Tangimana na labis siyang nag-aalala sa kanyang ina dahil nakatira ito malapit sa dalampasigan. Sinabi niya na kung maaari ay gusto niyang bumalik sa Tonga at makita ang kanyang pamilya.

Sinabi ni Kaufusi na hindi niya makontak ang kanyang pamilya at mga kaibigan. Sinabi niya na gusto niyang tulungan ang mga tao ng Tonga.

Source: NHK World Japan