Heavy snow, babala ng weather agency sa Northern Japan

TOKYO (Kyodo) – Ang weather agency ng Japan ay nagbabala tungkol sa matinding pagbagsak ng snow sa malalawak na lugar ng hilagang Japan dahil sa isang malakas na pattern ng winter pressure, na hinihimok ang mga residente na mag-ingat sa blizzard at snowstorm na maaaring maging sanhi ng mga pagkagambala sa trapiko.

Ang naipon na snow, mga kalsadang nagyeyelo, mga avalance at pag-kapal ng snow ay inaasahan din sa mga rehiyon ng Hokkaido, Tohoku at Hokuriku, sinabi ng Japan Meteorological Agency.

Dahil sa masamang panahon, sinuspinde ng East Japan Railway ang ilan sa mga serbisyo ng shinkansen bullet train sa Miyagi, Iwate at Akita prefecture sa rehiyon ng Tohoku, bukod sa ilang mga lugar.

Ang Hokkaido, ang pinaka-hilagang pangunahing isla ng bansa, at ang Hokuriku, isang rehiyon ng gitnang Japan, ay tinatayang makakakita ng pinakamataas na bilis ng hangin na 126 kilometro bawat oras, habang ang Tohoku ay maaaring magkaroon ng maximum na bilis ng hangin na 108 kph, sinabi ng ahensya.

Sa loob ng 24 na oras hanggang 6 ng umaga ng Miyerkules, ang mga bahagi ng rehiyon ng Hokuriku, Tohoku at Hokkaido ay inaasahang magtala ng snow hanggang sa 50 sent sentimo, 40 cm at 30 cm.