TOKYO
Ang dating ministro ng transportasyon na si Yuichiro Hata ay nakumpirma na namatay dahil sa coronavirus, sinabi ng kanyang partidong pampulitika noong Lunes, na unang nakumpirmang niktima ng covid na miyembro ng Diet ng Japan.
Namatay si Hata noong katapusan ng linggo pagkatapos na magka lagnat ngunit hindi agad nalaman ang sanhi ng kanyang pagkamatay. Napag-alaman na nagpositibo siya pagkatapos ng testing noong siya ay namatay na, ayon sa partido. Siya ay 53 taong gulang.
Nagsimulang magkasakit si Hata noong Huwebes at papunta na sana siya sa ospital upang kumuha ng isang polymerase chain reaction test noong Linggo ng hapon nang biglang lumala ang kanyang kalagayan, ayon sa mga taong malapit sa kanya.
Isang miyembro ng House of Councilors na kabilang sa pangunahing oposisyon na Constitutional Democratic Party ng Japan, si Hata ay nagsilbi bilang ministro ng land, Infrastructure, transportation and tourism noong 2012 sa ilalim ng Punong Ministro na si Yoshihiko Noda. Siya ang panganay na anak ng yumaong dating Punong Ministro na si Tsutomu Hata.
Inihayag ng Kalihim Heneral ng CDPJ na si Tetsuro Fukuyama nitong Lunes, ang postmortem diagnosis ng mas bata na Hata sa mga reporter. Ang pinuno ng partido, si Yukio Edano, ay nagpahayag ng pagkabigla sa biglaang pagkawala ng isang “minamahal na kasamahan.”
Limang miyembro ng Diet ang nag positibo sa coronavirus hanggang ngayon – sina Shuichi Takatori, Naomi Tokashiki at dating science minister Naokazu Takemoto ng Liberal Democratic Party, Junya Ogawa ng CDPJ at independiyenteng Mitsuru Sakurai.
© KYODO
Join the Conversation