Lalaki arestado sa attemted murder ng kapitbahay dahil sa ingay

ATAMI, Shizuoka

Ang pulisya sa Atami, Shizuoka Prefecture, ay inaresto ang isang 39-taong-gulang na lalaki dahil sa hinala ng tangkang pagpatay matapos na atakihin ang kanyang kapitbahay gamit ang isang martilyo.

Ayon sa pulisya, nangyari ang insidente bandang 9:30 p.m. Sabado sa isang apartment building, iniulat ng Sankei Shimbun. Sinabi ng pulisya na si Masayuki Tsunakawa, isang empleyado ng kumpanya, ay inatake ang kanyang kapitbahay, isang 63-taong-gulang na doctor, sa pintuan ng kanyang apartment sa pamamagitan ng pagpalo sa ulo ng maraming beses sa isang martilyo. Sinubukan din ni Tsunakawa na sakalin ang lalaki.

Ang biktima ay dinala sa ospital kung saan sinabi ng mga doktor na siya ay nasa isang stable na kondisyon.

Sinabi ng pulisya na bago ang pag-atake, ang biktima ay nakikinig ng musika sa kanyang apartment. Si Tsunakawa ay nagsabi na naiirita siya sa kanyang kapitbahay dahil palaging nagpapatugtog ng musika ng malakas at gusto niyang bigyan ito ng leksyon.

© Japan Today