Eroplano galing Pilipinas papuntang Haneda bumagsak, 8 katao ang namatay

Isang chartered flight mula sa Manila patungo sa Haneda Airport Japan ang lumiyab at bumagsak matapos mag take-off noong Linggo ng gabi. Namatay ang lahat ng 8 na pasahero at crew

Ang maliit na eroplano ay sumabog at lumiyab sa dulo ng runway sa Manila International Airport sa Pilipinas bandang 8 p.m. lokal na Oras.

Ang footage na nakuha ng isang nakasaksi ay nagpakita ng isang malaking apoy at itim na usok.

Sinabi ng mga opisyal ng paliparan na isang Amerikano, isang Canadian at 6 na Pilipino ang nasa eroplano. Ang isang pasyente na nakatakdang makatanggap sana ng treatment sa Japan ay naglakbay kasama ang isang miyembro ng pamilya at mga medical staff.

Sinisiyasat ng mga investigator ang sanhi ng aksidente.