Isang Pinay aretsado sa hit and run matapos makabangga ng naka motor at tumakas

Noong Marso 17, isang 39-anyos na babaeng Pilipino ang inaresto sa Nishio City, Aichi Prefecture, dahil sa pagmamaneho umano ng kotse at pag bangga ng moped motor bike, malubhang nasugatan ang lalaking sakay nito, at pagkatapos ay tumakas sa lugar.

Ang naaresto ay si Natalie Henmi (39), isang part-time worker na Pilipino at nakatira sa Okazaki City.
Ayon sa pulisya, habang nagmamaneho ng pampasaherong sasakyan noong Marso 17, si Henmi ay hinihinalang bumangga sa isang moped bike sa isang intersection sa Hatsuka-cho, Nishio City, at pagkatapos ay tumakas mula sa pinangyarihan.

Nagtamo ng malubhang pinsala ang isang 67-anyos na lalaki na nakasakay sa moped bike na nabali ang kaliwang kamay.

Bilang tugon sa imbestigasyon ng pulisya, inamin ng suspek na si Henmi ang mga paratang, na nagsasabing, “Walang duda na siya ang naging sanhi ng aksidente at tumakas.”
Iniimbestigahan ng pulisya ang mga pangyayari sa panahong iyon.