Mga foreigner na guests ng mga hotel sa Japan nasa pinakamataas na record para sa buwan ng Nobyembre

Sinabi ng Tourism Agency ng Japan na ang mga hotel, inn at iba pang uri ng tuluyan sa bansa ay tumanggap ng 11.6 milyong dayuhang bisita noong Nobyembre. Iyon ay isang rekord para sa buwan.

Ang preliminary figure ay halos tatlong beses na mas mataas kaysa sa nakaraang taon. Mas mataas din ito ng 28 porsiyento kaysa sa bilang noong Nobyembre 2019, bago nagsimula ang pandemya ng coronavirus.

Bumaba ng 0.1 porsiyento ang bilang ng mga bisitang Hapones mula noong nakaraang taon. Ngunit sa halos 42 milyon, ito ay 3.4 porsiyentong pagtaas sa nakalipas na apat na taon.

Ang kabuuang bilang ng mga bisita ay tumaas ng 16.9 porsyento mula sa parehong buwan noong nakaraang taon.