Isa ang nasawi nang mag-colapse ang isang daanan sa Shizuoka

Gumuho ang isang mataas na expressway na itinatayo noong Huwebes sa Shizuoka City, central Japan, na ikinasugat ng walong construction worker. Sinabi ng pulisya na isa sa kanila ang kumpirmadong patay.

Ipinaalam ng isang dumaan sa pulisya ang pagguho sa isang construction site sa distrito ng Obane ng Shimizu Ward pagkalipas ng alas-3 ng madaling araw. Sinabi ng saksi na nahulog ang isang istrukturang bakal na may kasabay na pagbagsak.

Sinabi ng pulisya na ang gumuhong bahagi ng expressway na ginagawa sa ibabaw ng Seishin bypass road ay humigit-kumulang 50 metro ang haba at 5 metro ang lapad.

Sinabi ng mga rescuer na nasa 30 manggagawa ang nasa lugar nang mangyari ang aksidente, at ang mga lalaking nasugatan ay nasa edad mula 30 hanggang 70.

Iniimbestigahan na ngayon ng mga pulis at emergency officials ang sanhi ng pagbagsak.