Share
Noong umaga ng Hulyo 16, isang truck ang nag deliver ng kargamento ng mga frozen snacks sa Genky Food & Drug sa Ama City, Aichi Prefecture. Habang nilalagay ang mga order sa tindahan, nahuli sa akto ng isang clerk ang isang babae na nasa proseso ng pagnanakaw ng limang ice cream sa loob ng truck.
Nang lapitan at hawakan siya ng 21-anyos na klerk, siya ay nanlaban at kinagat ang kamay ng clerk. Nagtamo ng mga sugat ang clerk sa mga daliri ng kanyang kaliwang kamay at napigilan ang babae sa lugar. Ibinigay siya sa mga pulis na inaresto siya dahil sa tangkang pagnanakaw at pananakit.
Habang nasa kustodiya, umamin ang 56-anyos na babae sa mga krimen, sinabi sa pulis na gusto niyang kumain ng ice cream dahil naiinitan daw siya.
Join the Conversation