Mga residente malapit sa Sakurajima volcano pinayagang panasamantalang makabalik sa kanilang mga bahay

Ilang residente na lumikas mula sa paligid ng sumabog na Sakurajima volcano sa Kagoshima Prefecture, timog-kanluran ng Japan ay pansamantalang umuwi noong Martes.

Ang bulkan ay sumabog noong Linggo, na nag-udyok sa Japan Meteorological Agency na itaas ang alerto sa pagsabog nito sa pinakamataas na alert number 5.

Naglabas ang Kagoshima City ng evacuation order sa mga residente sa ilang bahagi ng bayan ng Arimura at Furusato.

Pinahintulutan ng mga opisyal ng lungsod ang 18 katao, sa 24 na lumikas sa isang silungan, na makauwi ng 90 minuto noong Martes ng hapon sa mga bus na ibinigay ng lungsod.

Naghintay ang mga bumbero malapit sa mga tahanan ng mga residente upang maibalik sila sa kanlungan kung sakaling magkaroon ng pagbabago sa bulkan.