Toyota babalik na sa normal na produksyon matapos ang cyber attack

Sinabi ng Toyota Motor na naayos na ang isang problema na nagpahinto sa buong domestic production nito, at babalik sa normal ang mga operasyon sa Miyerkules.

Lahat ng 14 na planta ng Toyota sa Japan ay tumigil ngayong Martes matapos ang isang cyberattack na tumama sa isa sa mga supplier nito.

Gumagawa ang Kojima Industries ng malawak na hanay ng mga panloob at panlabas na bahagi para sa Toyota.

Nakakita ang firm ng cyberattack noong weekend at isinara ang lahat ng server at koneksyon sa network. Naapektuhan ang pagkuha ng mga order at pag-coordinate ng mga deliveries.

Nag-set up na ngayon ang Toyota ng pansamantalang network para makipag-ugnayan sa Kojima.
Sinabi ng mga executive ng Kojima na nakikipagtulungan sila sa pulisya at mga kaugnay na ahensya ng gobyerno. Hindi raw makakaapekto ang problema sa kanilang produksyon sa ibang bansa.