Napawalang sala sa kasong rape ng isang lasing na babae ang Pinoy na construction worker at 3 pang kasabwat

Na-dismiss ng Tokyo District Public Prosecutor’s Office ang kaso ng apat na lalaking construction worker kasali ang isang Pilipino na inaresto noong nakaraang taon dahil sa hinalang panghahalay sa isang lasing na babae sa isang park sa Tokyo.

Apat na tao, kabilang ang isang 29-anyos na lalaking Philippine national na nakatira sa Yashio City, Saitama Prefecture, at isang 30-anyos na lalaki na nakatira sa Kasukabe City, Saitama Prefecture at 2 pang kasamahan sa trabaho, ay lumapit sa isang babae na nasa edad na twenties na lasing at nakahiga sa gilid ng daan sa Tokyo noong Abril, dinala nila ang babae sa isang park at duon ginawa ang umano’y sapilitang sexual intercourse sa biktima.

Bilang resulta ng imbestigasyon, idinismiss ng Prosecutor’s Office ang kaso noong Pebrero 24 ngunit hindi isiniwalat ng prosekusyon ang dahilan ng pag-dismiss ng kaso.