Ex-member ng Japan idol group na KAT-TUN arestado sa drug possession

NAGOYA — Isang dating miyembro ng J-pop idol group na KAT-TUN ang inaresto noong Peb. 24 dahil sa umano’y possession ng illegal stimulant drugs.

Inaresto ng Naka Police Station ng Aichi Prefectural Police si Koki Tanaka, 36, na nakatira sa Kashiwa, Chiba Prefecture, sa hinalang paglabag sa Stimulants Control Act. Itinanggi umano ni Tanaka ang mga paratang, at nagsabing, “Hindi akin yan.”

Nakitaan si Tanaka ng humigit-kumulang 0.164 gramo ng mga stimulant sa tinutuluyan nito sa Naka Ward ng Nagoya noong Enero 30.

Si Tanaka ay inaresto ng Metropolitan Police Department dahil sa hinalang paglabag sa Cannabis Control Act noong 2017, ngunit hindi ito inakusahan.

(Japanese original ni Ayaka Morita, Nagoya News Center)