Isang empleyado sa pasilidad para sa mga may kapansanan ang inaresto, matapos asultuhin ang isang residente sa pasilidad

Inaresto ng pulis sa Tatsuno, Hyogo Prefecture ang isang 39 anyos na lalaki na nag-tatrabaho sa isang residential facility para sa mga may kapansanan sa pag-iisip, sa suspetsang pag-aasulto sa isang 27 anyos na lalaki na residente sa nasabing pasilidad.

Ayon sa mga pulis, ang insidente ay naganap sa Palette Tatsuno bandang alas-2:30 ng madaling araw nuong ika-20 ng Pebrero, base sa ulat ng Fuji TV. Inaakusahan si Nobuhiro Miyake na sinipa sa mukha ang biktima na siyang nag sanhi ng pagka-bali ng buto nito sa ilong.

Sinabi ng mga pulis na si Miyake ay nag-tatrabaho na pang-gabi at inasulto ang lalaki nang ito ay magising nuong madaling araw. Nuong mga oras na yun, sinabi ni Miyake sa isang katrabaho na nagka-pinsala ang biktima “matapos itong madulas sa banyo.” Ngunit nag-duda ang mga ibang facility staff sa sinabi ng akusado, nakita nila ang ebidensya matapos mapanuod ang kuha mula sa security camera.

Ipina-alam na sa pamilya ng biltima ang nangyari at nag-report na rin sa mga kinauukulan.

Ayon sa mga pulis, umamin naman sa paratang laban sa kanya ang akusado.