Matandang driver rumagasa sa loob ng supermarket, 3 staff sugatan

Isang kotseng minamaneho ng isang lalaking nasa edad 70 ang bumangga sa isang supermarket sa timog-kanlurang lungsod ng Japan bandang 6:20 p.m. noong Disyembre 8.

Ayon sa Yatsushiro Police Station ng Kumamoto Prefectural Police, dinala sa ospital ang tatlong babae sa tindahan, ngunit lahat sila ay may malay at bahagyang nasugatan.

Iniimbestigahan ng pulisya ang sanhi ng aksidente.

(Orihinal na Japanese ni Takaharu Nishi, Minamata Local Bureau; at Sonoko Nakamura, Kumamoto Bureau)