M6.6 na lindol yumanig sa Okinawa main island

Niyanig ng magnitude-6.6 na lindol ang Okinawa Prefecture, timog-kanluran ng Japan.

Naganap ang lindol bandang 12:45 a.m. noong Huwebes at nagrehistro ng intensity na 3 sa seismic scale ng Japan na zero hanggang pito sa Miyakojima City.

Ang malalawak na lugar ng Okinawa at Kagoshima prefecture ay nagtala ng intensity na 2 at 1.

Sinabi ng Meteorological Agency ng Japan na ang focus ng lindol ay humigit-kumulang 270 kilometro silangan-timog-silangan ng Isla ng Ishigaki at 10 kilometro ang lalim.

Sinabi ng mga opisyal na walang banta sa tsunami, bagama’t maaaring may ilang pagbabago sa antas ng dagat na hanggang sa humigit-kumulang 20 sentimetro sa mga tubig na nakapalibot sa pangunahing isla na rehiyon ng Okinawa at sa mga rehiyon ng Daitojima, Miyakojima at Yaeyama sa susunod na ilang oras.