Nagbukas na ang oxygen station para sa mga pasyente ng COVID-19 na may mild na sintomas sa Tokyo

TOKYO (Kyodo) – Isang pasilidad na magbigay ng oxygen support sa mga pasyente ng COVID-19 na may mild na sintomas ay nagbukas na ngayong Lunes sa Tokyo upang makatulong sa medical system habang patuloy na dumdami ang mga impeksyon.

Ang istasyon ng oxygen na na-set up  sa Shibuya Ward ng kabisera ay tatakbo ng 24 hours. Mayroon itong 130 na kama at susubaybayan ng tatlong doktor at 25 na nurse.

Plano ng gobyerno na magdagdag ng  110 na kama sa kapasidad ng istasyon ng oxygen sa loob ng mga ospital na pinapatakbo nito sa pagtatapos ng buwang ito.