GUNMA – Ang Gunma Prefectural Police ay naglunsad ng malawakang imbestigasyon sa pagpatay matapos matagpuan ang isang babae na puro saksak sa loob ng isang sasakyan sa Lungsod ng Takasaki noong Linggo, iniulat ng TBS News ( Oktubre 19).
Dakong 7:30 ng gabi, isang babaeng pedestrian ang nagbigay ng alerto sa pulisya matapos makita ang “isang babaeng sinaksak sa loob ng sasakyan” mga 400 metro mula sa JR Takasaki Station.
Ang mga imbestigador na dumating sa crime scene ay natagpuan si Kanako Osawa, 30, na nakahandusay sa loob ng driver’s seat. Kumpirmadong namatay siya sa isang ospital makalipas ang isang oras.
Walang nakitang sandata sa pinangyarihan, pahayag ng imbestigador.
Ayon sa mga nakasaksi, isang lalaki na naka-suot ng amerikana at isang babae ang nagtatalo bago matuklasan si Osawa.
Source: Tokyo Reporter
Image: Twitter
Join the Conversation