Ang torch relay ng Tokyo Olympic at Paralympic Games, na na-delay at ige-held sa susunod na taon, ay gaganapin sa Marso na batay sa orihinal na plano.
Ang organizing committee ay inihayag noong Lunes na ang Olympic torch relay ay magsisimula sa Fukushima Prefecture sa Marso 25 at magpapatuloy sa loob ng 121 na araw na gaganapin sa lahat ng bahagi ng Japan. Ang araw ng pagsisimula ay isang araw nang mas maaga sa orihinal na plano.
Ang apoy ng Olympic ay pinanatiling nasusunog mula noong pagdating nito mula sa Greece noong Marso 20 bago pa nag desisyon na ipagpaliban ang mga Games.
Para sa Paralympics, ang apoy ay makokolekta sa daan-daang mga munisipalidad sa lahat ng 47 prefecture sa Japan.
Magsisimula ang isang relay sa Agosto 17. Saklaw ng ruta ang Shizuoka, Saitama, Chiba prefecture at Tokyo, kung saan matatagpuan ang mga venue ng kompetisyon. Matapos pagsamahin ang apoy sa Tokyo, isa pang relay ang magaganap sa kabisera sa loob ng apat na araw.
Isinaalang-alang ng mga organisador ang pagpapaikli ng mga relay upang mabawasan ang gastos. Ngunit sila at ang IOC Coordination Commission ay sumang-ayon noong nakaraang linggo upang mapanatili ang orihinal na plano upang payagan ang lahat ng mga bahagi ng Japan ng isang pagkakataon na lumahok sa event.
Plano nalang nila na bawasan ang bilang ng mga motorcade at staff para sa relay at pagbawas sa mga kaugnay na pagdiriwang.
Join the Conversation