Mula sa pahayag ng mga awtoridad sa Ageo, Saitama Prefecture, inaresto nila ang isang 41 anyos na babaeng truck driver nuong Huwebes. Ito ay dahil umano sa salang hit and run na naging sanhi ng pag-panaw ng isang motorista.
Ayon sa mga pulis, ang driver na si Sachiko Shimazu na taga- Komaki, Aichi Prefecture ay nabangga ang isang motorista na nag-eedad sa 30 anyos. Hindi pa inilalabas sa publiko ang pagkaka-kilanlan ng biktima. Nangyari ang insidente bandang alas-10:40 ng umaga sa National Route 16 nuong Huwebes, base sa ulat ng Fuji TV. Ang biktima ay agad na dinala sa pagamutan ngunit sa kasamaang palad ito ay binawian rin ng buhay nuong Huwebes.
Ang mina-manehong truck ni Shimazu ay natukoy sa pamamagitan ng surveillance camera footage at ilang mga nakakita sa nasabing insidente na agad namang tumawag sa 110.
Pilit na itinatanggi ng suspek ang mga paratang sa kaniya at nag-sabi na, ” Wala akong maalalang naka-bangga ako!”
Source: Japan Today
Image: Image Bank
Join the Conversation