Isang Pinoy arestado sa pananaksak sa isang naglalakad sa kalye gamit ang parang kamukha ng isang samurai sword

Noong ika-7, inaresto ng Gamagori Police Station ang isang 41-anyos na Filipino national, hindi alam kung saan nagta-trabaho, mula sa Mitani-cho, Gamagori City, dahil sa hinalang tangkang pagpatay.

Arestado ang suspek na hinihinalang naglaslas sa kaliwang bahagi ng katawan ng isang 52-anyos na lalaking isang haken worker sa kalye malapit sa kanyang apartment bandang alas-9:40 ng gabi nang araw ding iyon gamit ang mala- Japanese na kutsilyo na may talim haba ng halos 70 sentimetro.

Ayon sa pulisya, inamin ng suspek ang krimen, ngunit itinanggi nito ang anumang layuning pumatay. Ang mga sugat na natama ng lalaki ay hindi naman life threathening.