Isang high school student na Pinoy arestado sa sexual assault at pagnanakaw

Isang lalaking high school student na Pilipino na naninirahan sa Kasukabe City, Saitama Prefecture, ang inaresto dahil sa (sexual assault) pangre-rape ng isang babaeng university student habang siya ay naglalakad sa kalsada at ninakawan pa ng pera.

Ang lalaking inaresto dahil sa hinalang pagnanakaw at pakikipagtalik nang walang pahintulot ay isang 17-anyos na lalaking high school student na Filipino nationality na nakatira sa Kasukabe City. Ayon sa pulisya, ang lalaking estudyante ay pinaghihinalaang nang-rape sa isang babaeng estudyante ng unibersidad sa isang kalye sa Kasukabe City bandang 12:30 a.m. noong ika-26 ng buwang ito, at ninakaw ang kanyang bag na naglalaman ng 5,000 yen na pera.

Nilapitan ng lalaking estudyante ang babaeng estudyante habang naglalakad, kinausap siya ng suspect at hinabol at ginawan ng kahalayan. Ang lalaking estudyante ay pinaniniwalaang naghahanap ng mga babaeng mabibiktima  sa lugar, at sa pagtatanong ay inamin niya ang mga paratang, at sinabing, “Ginawa ko ito dahil nagkaroon ako ng sekswal na pagnanasa. Ninakaw ko ang bag dahil gusto ko ang pera.”