Nagpasya ang mga awtoridad sa imigrasyon ng Japan na suspindihin ang pagtanggap ng mga technical trainees na ipinadala ng tatlong organisasyon sa Cambodia matapos lumikas ang maraming naturang trainees sa kanilang mga lugar ng trabaho.
Sinabi ng Immigration Services Agency na ang mga bagong trainee mula sa tatlong organisasyon ay hindi tatanggapin nang hindi bababa sa 6 na buwan mula sa katapusan ng Nobyembre.
Sinabi nito na noong 2022, ang bilang ng mga dayuhang nagsasanay na nawala ay umabot sa 9,006 — ang pangalawa sa pinakamaraming naitala.
Sinabi ng ahensya na hinarap nito ang problema sa pamamagitan ng pansamantalang pag-disqualify sa mga organisasyon sa Japan na nagkaroon ng malawakang pagtakas ng mga bagong trainees. Sinuspinde rin nito ang pagtanggap ng mga trainees mula sa isang Vietnamese organization noong 2021.
Sinabi ni Justice Minister Koizumi Ryuji na ang ministeryo ay gumawa ng hakbang sa Cambodia upang bawasan ang bilang ng mga nakatakas. Dagdag pa niya, malaking problema ang nagbabanta sa pagkakaroon ng programa.
Source: NHK World Japan
Join the Conversation