Tropical storm maaring maging sanhi ng delay o kansela ng mga train

Sinabi ng mga kumpanya ng Japan Railway na ang mga serbisyo ng train, pangunahin sa silangan at hilagang-silangan ng Japan, ay maaaring maantala o makansela habang papalapit ang Tropical Storm Yun-yeung.

Sinasabi ng Central Japan Railway na ang bullet train na tumatakbo sa Tokaido Shinkansen Line ay maaaring maantala o masuspinde, pangunahin sa Biyernes ng umaga.

Sinasabi nito na ang ilang mga serbisyo ay maaaring kanselahin o masuspinde ng maraming oras.

Sinabi ng kompanya na mas maraming Shinkansen train ang maaaring masuspinde dahil sa biglaang pagbuhos ng ulan na maaaring tumama mula Huwebes hanggang Sabado.

Nagpasya na ang East Japan Railway na suspindihin ang mga serbisyo sa ilan sa mga nakasanayang linya nito sa Biyernes.

Ang mga tren sa Tokaido Line ay ititigil sa pagitan ng Odawara at Atami station sa Biyernes ng umaga, pati na rin ang mga serbisyo sa buong Ito Line.

Sa Ome Line, ang mga serbisyo sa pagitan ng mga istasyon ng Ome at Okutama ay sususpindihin mula sa unang pagtakbo hanggang bandang 4 p.m. sa Biyernes.

Ang mga serbisyo sa Hachiko Line ay sususpindihin sa parehong oras sa pagitan ng Komagawa at Yorii stations, at ang mga operasyon sa buong Kururi Line ay kakanselahin sa Biyernes ng umaga.

Sinabi rin ng JR East na posible ang mga biglaang pagkansela para sa iba pang mga linya sa rehiyon ng Kanto. Sa rehiyon ng Tohoku, ang mga pagkaantala at pagkansela ay maaari ding mangyari mula Biyernes ng gabi hanggang Sabado.

Ang mga kumpanya ng JR ay nananawagan sa mga tao na suriin ang pinakabagong impormasyon sa kanilang mga website.