Brazilian na lalaki na suspect sa pagpatay ng anak at asawa dito sa Japan at tumakas ng bansa, inaresto na sa Brasil

Inaresto ng pulisya ng Brazil ang isang lalaki na hinihinalang pumatay sa kanyang asawa at anak na babae sa Japan bago tumakas sa kanyang sariling bansa.

Inihayag ng pulisya noong Biyernes na nahuli nila si Barbosa Anderson Robson sa lungsod ng Sao Paulo. Isinagawa ang manhunt sa pakikipagtulungan ng Japanese police.

Pinatay umano ng 34-anyos na lalaki ang kanyang asawang si Aramaki Manami, noon ay 29 taong gulang, at ang kanilang anak na babae na si Lily, noon ay tatlong taong gulang, sa kanilang tahanan sa Sakai City, Osaka Prefecture, noong Agosto ng nakaraang taon.

Inilagay siya ng Japanese police sa isang international wanted list sa pamamagitan ng International Criminal Police Organization matapos siyang tumakas kaagad patungong Brazil pagkatapos ng insidente.

Sinabi ng Brazilian police na ililipat nila ang suspek sa loob ng Biyernes sa federal police headquarters ng Parana, ang kanyang home state.