Bangkay na walang ulo natagpuan sa isang hotel sa Sapporo

Natagpuan ang bangkay ng isang lalaki na pugot ang ulo sa isang hotel sa Sapporo City sa hilagang prefecture ng Hokkaido ng Japan. Hinala ng pulisya, ang ulo ay dinala ng ibang tao na pumasok sa silid kasama ang namatay.

Natuklasan ng mga empleyado ang bangkay sa banyo ng pangalawang palapag na kuwarto sa hotel sa Susukino entertainment district noong Linggo ng hapon.

Naniniwala ang pulisya na ang namatay na lalaki ay nasa hustong gulang, at ang katawan ay pinugutan ng ulo gamit ang isang cutting tool. Sinabi ng pulisya na walang mga gamit upang makilala ang patay na lalaki sa silid.

Ang footage ng security camera ay nagpapahiwatig na ang biktima ay pumasok sa silid kasama ang ibang tao, at ang taong iyon lamang ang lumabas sa silid.

Ang pulisya ay nagpakilos ng humigit-kumulang 240 opisyal upang hanapin ang tao at upang matukoy ang sanhi ng pagkamatay ng lalaki at ang kanyang pagkakakilanlan.