Isang lalaking namatay sa saksak pinaghihinalaang na alitan sa pagitan ng 2 Pinoy

Noong ika-1 ng Marso, inaresto ng Kumamoto Kita Koshi Police Station , Koshi City ang isang part-time construction worker (29) = foreign nationality(hindi binanggit ang nasyonalidad pero ayon sa witness Pinoy ang biktima at suspect) = sa  pagpatay sa kanyang kasamahan sa trabaho at bahay.

Siya ay inaresto dahil sa hinalang pananaksak sa isang 45-anyos na lalaki na isang part-time construction worker din na nakatira kasama niya bandang 0:05 ng umaga noong ika-1.  Ang lalaki ay kumpirmadong dead on arrival.

Ang Isa pang lalaking kasamahan nila ang tumawag sa 110 at nagsabing, “Nasaksak ng kasamahan ko ang isa pa naming kasamahan namin, tumawag kayo ng ambulansya.”

Inamin naman ng suspect na sinaksak niya ang biktima dahil sa self defense pero wala siyang intensyon na patayin ito.

Hindi ibinunyag ng pulisya ang nasyonalidad ng suspek at ng biktima, at ipinaliwanag ang dahilan kung bakit ito “hindi direktang nauugnay sa kaso.”  Ayon sa taong witness, pareho silang Filipino nationality.