
Isinasaalang-alang ng gobyerno ng Japan na mag-isyu ng sertipiko sa mga taong walang “My Number” ID card upang bigyan sila ng paggagamot na sakop ng health insurance.
Plano ng gobyerno na tanggalin ang kasalukuyang health insurance card sa taglagas sa susunod na taon sa pamamagitan ng pagsasama nito sa My Number card. Sinisikap ng gobyerno na tukuyin ang mga potensyal na problema sa plano at paggalugad ng mga solusyon.
Isinasaalang-alang ng mga opisyal ang pagbibigay ng sertipiko sa mga nawala ang kanilang My Number card o hindi pa nakapag-a-apply para sa r.e-issuance.
Sinasabi nila na ang sertipiko ay naglalaman ng parehong impormasyon na mayroon ang kard ng segurong pangkalusugan.
Kasabay nito, tinitingnan ng mga opisyal ang posbleng pagpapalawig ng bisa ng mga health insurance card para sa isang tiyak na tagal ng panahon.
Plano rin nilang payagan ang mga tao na mag-aplay para sa My Number card para sa kanilang mga sanggol kapag nagsumite sila ng mga rehistrasyon ng kapanganakan ng mga sanggol upang maibigay ang mga card pagkatapos ng kapanganakan.
Nilalayon ng gobyerno na magbigay ng My Number card na walang larawan para sa mga sanggol na wala pang isang taong gulang. Sinabi ng mga opisyal na ang mga naturang card ay magiging wasto hanggang sa ikalimang kaarawan ng mga bata ito.
Source and Image: NHK World Japan
Join the Conversation