Lalaki, arestado dahil sa pagsunog ng dry cleaning shop

CHIBA

Inaresto ng mga pulis sa lungsod ng Chiba ang isang 42-anyos na lalaking walang trabaho dahil sa hinalang sinunog ang isang dry cleaning shop.
Ayon sa pulisya, dakong alas-9 ng gabi nang maganap ang sunog.  noong Biyernes, iniulat ng TV Asahi.  Sarado ang tindahan sa oras na iyon.

Napansin ng isang dumaan ang apoy at tumawag ng 110. Pinakilos ang labindalawang truck ng bumbero upang apulahin ang apoy na sumira sa labas ng dingding ng gusali at isang katabing hagdanan patungo sa isang tirahan sa ikalawang palapag.
Walang nasaktan sa sunog, sabi ng pulisya.

Makalipas ang mga tatlong oras, si Hidekazu Tomioka ay sumuko sa isang koban (police box) sa harap ng Chiba Station at sinabi sa mga opisyal na sinunog niya ang dry cleaning shop.

Sinabi ng pulisya na inamin din ni Tomioka ang pagsunog sa isang lalagyan ng basura sa isang park mga isang kilometro mula sa dry cleaning shop.  Ayon sa kanya masama lang ang kanyang mood buong gabi.

© Japan Today