Japan idi-distribute na ang Moderna vaccine para sa BA.5

Plano ng health ministry ng Japan na i-distribute na ang Moderna vaccine na nagta-target sa BA.5 Omicron subvariant ng coronavirus.

Inaprubahan ng ministeryo ang bakunang BA.5 ng Moderna.  Sinasabi nito na ang bakuna ay inaasahang magiging epektibo laban sa subvariant ng Omicron.

Plano ng ministeryo na magpadala ng humigit-kumulang 3 milyong dosis sa mga munisipalidad sa buong bansa mula sa linggo simula Nobyembre 28 hanggang huling bahagi ng Disyembre.
Sa Japan, ang mga bakuna laban sa Omicron BA.1 subvariant ay inilunsad noong Setyembre.  Ang mga ito ay ginawa ng Pfizer at Moderna.  Ang bakuna ng Pfizer na nagta-target sa BA.5 ay magagamit na mula noong Oktubre.

Sinabi ng ministeryo sa kalusugan na mga 102 milyong dosis ng bakuna na nagta-target sa variant ng Omicron ay inaasahang maihahatid sa mga munisipalidad sa pagtatapos ng taon.
Ipinapakita ng pinakahuling datos ng gobyerno na humigit-kumulang 8.58 milyong tao, o 6.8 porsiyento ng populasyon, ang nakatanggap ng mga naturang bakuna.