Lalaki arestado sa pananakit sa pulis at nagtangkang nakawin pa ang baril sa Shibuya koban

TOKYO

Inaresto ng mga pulis sa Tokyo ang isang 26-anyos na lalaki dahil sa hinalang pag-atake at pagtangkang pagnanakaw matapos niyang subukang agawin sng baril ng isang pulis sa isang koban (police box) sa Shibuya Station.

Ayon sa pulisya, naganap ang insidente dakong alas-2:50 ng madaling araw noong Linggo sa koban sa harap ng Shibuya Station, iniulat ng Kyodo News.  Ang pulis ay nag-iisa sa koban noon.

Hinawakan ng suspek ang leeg ng opisyal at binantaan ito ng gunting.  Pagkatapos ay sinubukan niyang nakawin ang baril mula sa holster ng opisyal.

Nagtamo ng minor injuries sa noo ang opisyal na nasa edad 20 habang nakikipaglaban sa suspek.  Sinipi ng pulisya ang suspek, na hindi kilalang tirahan, na nagsasabing “Balak kong magpakamatay gamit ang baril.”
Sinabi ng pulisya na ang lalaki ay nagmula sa Hyogo Prefecture sa rehiyon ng Kanto mga dalawang linggo na ang nakararaan.
© Japan Today