TOKYO (Kyodo) — Hindi na hihilingin ng Japan sa mga papasok na travelers na magpakita ng pre-departure na negatibong resulta ng test sa COVID-19 simula sa Setyembre 7, basta’t tatlong beses na silang nabakunahan, sinabi ni Punong Ministro Fumio Kishida noong Miyerkules.
Malapit nang magpasya ang gobyerno kung tataasan ang pang-araw-araw na limitasyon sa pagpasok sa mga manlalakbay, na kasalukuyang nakatakda sa 20,000, sinabi ni Kishida, dahil ang Japan ay naglalayong higit na i-relax ang mga hakbang sa pagkontrol sa borders ng coronavirus.
Sa kasalukuyan, ang mga gustong pumasok sa Japan ay dapat magpakita ng patunay ng negatibong test result sa COVID na kinuha sa loob ng 72 oras ng pag-alis.
Sinabi rin ni Kishida na babaguhin ng gobyerno ang detalyadong sistema ng pag-uulat ng coronavirus, na nililimitahan ang target sa mga matatanda at sa mga nasa panganib na magkaroon ng malalang sintomas ayon sa pagpapasya ng bawat munisipalidad na tinamaan ng lumalalang mga impeksyon sa COVID-19. Ang kabuuang bilang ng mga araw-araw na positibong kaso ay iuulat pa rin.
Join the Conversation