Ice cream na hindi agad natutunaw kahit mainit big hit sa central Japan store

TAINAI, Niigata — Ang mga ice cream bar na hindi madaling natutunaw sa init ng tag-araw ay naging patok sa gitnang lungsod ng Japan na ito matapos mag viral ang video nito sa internet.

Ang mga produktong ice cream ay naibenta mula noong nakaraang taglagas sa tindahan ng Kinoto-Manjuya na kilala sa mga matamis na bean bun nito sa Niigata Prefecture na lungsod ng Tainai.

Nag viral sa TikTok ang kanilang video noong huling bahagi ng Hunyo, na nagkaroon ng higit sa 110,000 na view noong Hulyo 29, ito ay tinatawag na “Ottegi ice cream” bar na hindi agad natutunaw kahit iiwan ng 30 minuto.

Simula noon, mahigit 100 ice cream bar ang naibenta kada araw tuwing weekend.