Pinaka-unang kaso ng Monkeypox sa Japan, nakumpirma

Nakumpirma ang unang kaso ng monkeypox sa Japan sa Tokyo.
Sinabi ng health ministry na positibo noong Lunes ang isang residente ng Tokyo na nasa edad 30 na may kamakailang kasaysayan ng paglalakbay sa ibang bansa.

Sinabi ng mga opisyal na bumisita ang lalaki sa isang hospital noong unang bahagi ng araw pagkatapos magkaroon ng pantal, mataas na lagnat, sakit ng ulo, at pagkapagod.

Nagsimula ang mga sintomas noong at pagkatapos ng Hulyo 15.
Sinabi nila na siya ay naospital sa Tokyo at nasa stable na kondisyon.
Hindi ibinunyag ng ministeryo ang kanyang nasyonalidad.

Sinabi ng mga opisyal na naglakbay ang lalaki sa Europa noong huling bahagi ng Hunyo at bumalik sa Japan noong kalagitnaan ng Hulyo. Siya ay naiulat na nakipag-ugnayan sa isang taong nahawaan ng virus habang nasa Europa.

Sinusubukan ng ministeryong pangkalusugan na matukoy ang ruta ng impeksyon at alamin kung sinuman ang may malapit na pakikipag-ugnayan sa lalaki.

Kinumpirma ni Tokyo Governor Koike Yuriko ang kaso sa isang press conference noong Lunes.
Sinabi ni Koike na ang mga awtoridad sa kalusugan sa Tokyo ay may mahusay na koordinasyon upang agad na mag-ulat ng mga impeksyon. Sinabi niya na hindi kailangang labis na mag-alala tungkol sa virus.

Nanawagan siya sa mga tao na disimpektahin ang kanilang mga kamay at kumunsulta sa doktor kung pinaghihinalaan ang impeksyon.