Nanay arestado dahil sa pag-iwan ng mga anak ng mag-isa sa bahay ng 10 hours habang siya ay nagpa-pachinko

ASAHIKAWA, Hokkaido

Inaresto ng pulisya sa Asahikawa, Hokkaido, ang isang 27-taong-gulang na babae sa kaso ng pagpapabaya ng magulang matapos niyang iwan ang kanyang dalawang maliliit na anak sa bahay nang mag-isa nang mahigit 10 oras habang naglalaro siya ng pachinko.

Ayon sa pulisya, iniwan ni Saki Shirahama, isang self-professed bar worker, ang kanyang dalawang anak, na wala pang 10 taong gulang, sa bahay mula alas-8 ng umaga noong Linggo, iniulat ng Kyodo News.

Hindi naka-lock ang front door, sabi ng pulis.  Nakipag-ugnayan sa pulisya ang isang kapitbahay matapos mapansin na nag-iisa ang mga bata na wala ang kanilang ina.

Nakauwi si Shirahama noong 6:20 p.m.  Ang mga bata ay wala namang natamong pinsala o nasaktan sa anumang paraan, sabi ng pulisya.

Kinukuwestiyon ng pulisya si Shirahama kung iniwan na ba niya dati ang mga bata sa bahay nang mag-isa.

© Japan Today