Isang lalaki at babae ang natagpuang walang buhay sa loob ng isang apartment sa Yokohama sa isang pinaniniwalaang kaso ng murder-suicide

Isang lalaki at babae ang natagpuang patay sa loob ng isang apartment sa Yokohama nuong Biyernes, kung saan pinaniniwalaan ng mga pulis na isang kaso ng murder-suicide.

Ayon sa mga pulis, ang mga labi ay natagpuan bandang alas-6:00 ng hapon sa loob ng isang apartment sa Isogo Ward. Napag-alaman ng Kyodo News mula sa mga pulis na ang lalaki na nasa edad na 30s ang siyang naninirahan sa apartment ay di umano’y nag-bigti.

Sa loob kung saan kinitil ng lalaki ang kanyang buhay ay natagpuan ang labi ni Yui Matsuoka, 34 anyos, isang empleyado ng isang kumpanya, at may relasyon sa lalaki. Sinabi ng mga pulis na wala namang nakitang panlabas na sugat ang babae at idinagdag nila na sila ay magsasa-gawa ng awtopsiya upang malaman ang sanhi ng pagka-matay nito.