Pinaka-unang giraffe pinanganak matapos ang 2 yrs na walang bagong silang sa Osaka zoo

Ipinanganak ang baby giraffe bandang 11 a.m. sa pagitan ng ama na si Koya, 10yrs old, at ng ina na si Harukasu, 9yrs old, sa Osaka Tennoji Zoo sa Tennoji Ward ng Osaka, at tumayo sa unang pagkakataon pagkalipas ng dalawang oras at 20 minuto. Ang batang hayop ay nasa mabuting kalusugan at napakasigla.

Hindi pa rin alam ang kasarian, timbang at taas ng sanggol dahil inoobserbahan lamang ng mga zookeeper ang ina at calf sa monitor nang hindi nilalapitan upang hindi mapabayaan ni Harukasu ang supling. Isasaalang-alang ng zoo kung kailan nito ipapakita ang baby giraffe depende sa paglaki ng sanggol.

Bagama’t nagkaroon ng lalaking sanggol sina Koya at Harukasu noong Mayo 2018, namatay siya isang araw pagkatapos ng kapanganakan. Noong Abril 2020, isang babaeng giraffe ang ipinanganak sa pagitan nila, ngunit namatay din siya makalipas ang isang linggo. Ang pinakahuling sanggol ay ang kanilang ikatlong supling.

(Orihinal na Japanese ni Sayuri Toda, Osaka City News Department)