SAITAMA — Isang municipal high school sa Saitama ang gagamit ng ready-to-wear na mga damit mula sa Uniqlo bilang uniporme nito mula 2022 academic year sa pinaka-unang pagkakataon sa Japan.
Sinabi ng Omiya Kita High School sa Kita Ward ng Saitama na ang halaga ng pagbili para sa mga item ay di hamak na mas mura keysa sa kasalukuyang mga uniporme — itim na uniporme ng paaralan para sa mga lalaki at navy-blue na blazer at palda para sa mga babae — na mananatili pa ding gagamitin kasabay ang uniqlo na uniporme.
Sinabi ng Uniqlo Co. na dalawang municipal junior high school sa gitnang Japan ng Toba, Mie Prefecture, ang nagpatibay ng kanilang mga damit bilang “quasi-uniforms.” Ayon sa Toba Municipal Board of Education, ang mga quasi-uniform ay isinusuot sa mga araw na hindi seremonyal at naiiba sa mga pormal na uniporme sa paaralan.
Pinahintulutan ng Omiya Kita High School ang mga babaeng estudyante na magsuot ng pantalon mula noong Pebrero 2021, matapos hilingin ng ilang mga estudyante na ayaw magsuot ng palda. Sinabi ng vice principal na si Kenji Tsutsui na maraming babaeng estudyante ang nagsuot ng pantalon na binili nila sa kanilang sarili noong school year 2021.
Sa pagkakataong ito, nagpasya ang paaralan sa mga permanenteng hakbang para sa mga bagong uniporme na masusuot ng kapwa lalaki at babae. Matapos suriin ang mga handa na damit mula sa ilang pangunahing chain, natukoy na ang Uniqlo ay maaaring i-convert sa mga uniporme, at ang kanilang presyo at kalidad ay katanggap-tanggap.
Ang mga kasalukuyang uniporme ay nagkakahalaga ng humigit-kumulang 50,000 yen (mga $430), ngunit ang Uniqlo ay nagkakahalaga lamang ng 10,000 hanggang 12,000 yen (mga $86 hanggang 103) para sa itaas at ibaba.
(Japanese original ni Mineichiro Yamakoshi, Saitama Bureau)
Join the Conversation