Inalis ng meteorological agency ng Japan ang tsunami advisory na inilabas nito para sa hilagang-silangan na bahagi ng bansa kasunod ng lindol sa baybayin ng Pasipiko.
Tumama ang magnitude 7.4 na lindol dakong alas-11:30 ng gabi. noong Miyerkules.
Ito ay may pinakamataas na intensity na 6-plus sa seismic scale ng Japan na zero hanggang 7. Ang lalim ng focus ay tinatayang nasa 57 kilometro. Naranasan ang mga pagyanig sa dakong silanga ng Japan.
Ayon sa pag-uulat, ang mga alon ay umabot na hanggang 30 sentimetro sa Ishinomaki Port sa Miyagi Prefecture.
Daan-daang tao na naninirahan sa baybayin sa Fukushima at Miyagi ang lumikas sa mga pasilidad.
Dalawang pagkamatay ang naiulat, at mahigit 120 katao ang nasugatan sa apektadong lugar.
Mayroon ding mga ulat ng pinsala sa istruktura at sunog. Ang lindol ay nagdulot ng mga blackout para sa higit na 2 milyong kabahayan at naantala ang mga serbisyo ng tren.
Sinabi ng East Japan Railway na isang bullet train ng Tohoku Shinkansen ang nadiskaril sa pagitan ng mga istasyon ng Fukushima at Shiroishizao.
Wala sa 75 na pasahero at tatlong crewmember na sakay ang nasugatan. Sinabi ng kumpanya na halos 16 sa 17 na mga kotse ang wala sa track.
Sinabi ng Tokyo Electric Power Company na walang malalaking problema o abnormalidad sa Fukushima Daiichi nuclear power plant, ang nabaldado dahil sa kalamidad noong 2011.
Sinabi ng utility na pansamantalang huminto sa paggana ang mga water pump sa mga pinag-imbakan ng gasolina sa dalawang gusali ng reactor sa planta ng Fukushima Daini. Wala naman naiulat na pagbabago sa mga antas ng radiation
Source and Image: NHK World Japan
Join the Conversation