Mas maraming tao sa Tokyo, kabilang ang maraming hindi regular na manggagawa, ang umaasa sa mga libreng pagkain na ibinibigyan ng mga pribadong grupo ng tulong kahit na matapos ang estado ng emerhensiya para sa coronavirus pandemic.
Nagtanong ang NHK sa mga grupo tungkol sa mga tumatanggap ng pagkain sa Tokyo at nakatanggap naman ng mga sagot mula sa 17 sa kanila.
Ayon sa mga sagot, walong grupo ang nagsabi na ang bilang ng mga taong tumatanggap ng libreng pagkain ay tumaas mula noong katapusan ng Setyembre, nang matapos ang state of emergency.Isa lang ang nagsabi na nabawasan ang bilang.
Tatlo sa mga respondente ang nagbigay ng mga tiyak na numero. Ang kabuuang bilang ng mga tumatanggap ng pagkain sa mga grupo noong Nobyembre ay 2,457. Iyan ang pinakamataas na bilang mula noong Abril 2020, nang magdeklara ang Tokyo ng state of emergency sa unang pagkakataon. Ang bilang ay higit sa tatlong beses kaysa noong Abril noong nakaraang taon.
Iniulat ng isang grupo ang pinakamaraming bilang ng mga naka tanggap nito noong Nobyembre, na nalampasan ang buwanang rekord nito mula noong 2009, kasunod ng pandaigdigang krisis.
Ang ilang mga organisasyon ay nagsabi na ang pagtaas ay dahil sa matagal na pagbawas ng kita sa mga hindi regular na manggagawa. Maraming mga naturang manggagawa ang nagsabi sa mga tauhan na ang kanilang mga oras ng pagtatrabaho ay pinutol at hindi na bumalik sa mga nakaraang antas.
Ang Propesor ng Hosei University na si Sakai Tadashi, na isang dalubhasa sa mga isyu sa paggawa, ay nagsabi na ang pagtaas ng mga tumatanggap ng tulong sa pagkain ay nagpapakita na maraming mga manggagawa ang nagdurusa pa rin mula sa mas mababang kita.Aniya, ito ay sa kabila ng mga subsidiya ng gobyerno na nakatulong sa istatistika na mapigil ang unemployment rate.
Tinukoy niya ang mga pangangailangan para sa agarang suporta para sa naturang mga manggagawa.
Source and Image: NHK World Japan
Join the Conversation