Ang Japan ay muling nagpapataw ng pagbabawal sa mga bagong dating na turista. Ito ay ipinatupad ng gobyerno dahil sa variant na Omicron ng coronavirus, isang potensyal na nakakahawang strain na unang nakita sa South Africa.
Ang mga turistang estudyante, mga negosyante at mga teknikal na nagsasanay na umaasa sa mga kamakailang pinaluwag na kontrol sa bansa ay mukhang nakatakdang maghintay ng hindi bababa sa isa pang buwan.
Sinabi ni Punong Ministro Kishida Fumio, “Nagpasya akong maglagay ng mga paghihigpit sa pagpasok para sa mga turista mula sa buong mundo simula sa Martes, bilang isang emergency na hakbang. Nilalayon naming maiwasan ang pinakamasamang sitwasyon na mangyayari sa bansang ito.”
Pansamantalang sinabi ni Kishida ang mga hakbang na gagawin ukol dito. Sinabi rin niya na sinusuri ng mga opisyal upang makita kung ang isang turista mula sa Namibia ay maaaring nahawahan ng variant.
Nilawakan ng gobyerno ang mga paghihigpit sa mga residenteng umuuwi mula sa mahigit 40 bansa, kabilang ang mga bahagi ng Africa at Europe.
Dapat na silang manatili sa mga itinalagang pasilidad nang hanggang 10 araw mula sa kanilang pagdating.
Ayon sa National Institute of Infectious Diseases ng Japan ang Omicron ay isang “variant of concern” at nanawagan sa mga residente na manatiling ligtas.
Source and Image: NHK World Japan
Join the Conversation