Dating Judo Champion, arestado matapos saktan ang kasintahan

TOKYO-Inaresto ng pulisya sa Tokyo ang isang dating judo champion dahil sa hinalang pananakit sa kanyang kasintahan.

Si Jobu Ebata, na nagwagi sa men’s 90kg sa East Asian Judo Championships noong 2016, ay inaresto noong Disyembre 24, iniulat ni Sankei Shimbun. Sinabi ng pulisya na bahagyang itinanggi niya ang paratang.

Ayon sa warrant of arrest, naganap ang pag-atake noong kalagitnaan ng Disyembre sa isang hotel sa Tokyo. Ang biktima, nasa edad 30, ay nagtamo ng mga pinsala matapos siyang sipain ni Ebata sa mga braso at binti, ayon sa pulisya.

Si Ebata ay may asawa at may isang anak na babae.

Source: Japan Today

Image: Gallery