29 years na illegal overstayer na Pilipina, huli sa Hamamatsu

Isang 53 taong gulang na Pilipina, walang trabaho (53) at naninirahan sa Naka-ku, Hamamatsu City ang inaresto dahil sa pag overstay ng visa simula pa noong 1992 at paglabag sa Immigration Control and Refuge Act.

Ayon sa pulisya, nakatira ang babae sa Hamamatsu City kasama ang kanyang asawang Hapon.

Nalaman na TNT ang babae nang mahuli ng pulis ang kanyang asawang Hapon dahil sa panghahawak ng dibdib ng isang customer sa isang coin laundry, dito napag-alaman na ang Pinay na kasama nito ay ilegal na naninirahan dito sa Japan.

Ayon sa Pinay, “Sinubukan kong dumaan sa proseso ng pagkuha ng visa pero nagka problema ako sa mga dokumento kaya hindi ito nakumpleto at nahirapan akong magka visa.”