Nasagip ang isang babae matapos na ma-trap sa putik sa loob ng 18 oras nang mag landslide sa Fukuoka

FUKUOKA – Isang 75-taong-gulang na babae ang nailigtas noong Agosto 15 matapos na ma-trap sa putik at buhangin sa loob ng 18 oras nang dumaloy ang isang landslide patungo sa kanyang bahay sa bayan ng Soeda, Fukuoka Prefecture.

Ang pagguho ng lupa sanhi ng pagbagsak ng malakas na ulan ay dumaloy sa kung saan nakatira ang babae at ang kanyang asawa. Isang kawal sa likod ng bahay ang gumuho noong Agosto 15, at dumaloy ang putik at buhangin sa tirahan at tuluyan na ring hinarangan ang kalsada sa harap nito.

Ang isang doktor ay sumugod sa eksena at nagbigay ng intravenous drips. Ang asawa naman ng babae ay hindi nasaktan. Ayon sa Tagawa Police Station ng Fukuoka Prefectural Police, ang babae, na nailigtas dakong 7:30 ng gabi, ay nanatiling may malay matapos ang mahigpit na pagsubok at ang kanyang buhay ay wala na sa panganib.

Inaasahan na magpapatuloy na babagsak ang ulan sa Kyushu at iba pang mga lugar at ang Japan Meteorological Agency ay nananawagan na mag-iingat.

(Orihinal na Japanese ni Hiroshi Higa, Kyushu News Department)