Ang Health Ministry ng Japan ay magbibigay ng libreng 8 milyong mga antigen test kit sa mga home for the aged at mga medicl institution na nasa peligro ng mga cluster infections sa coronavirus.
Hanggang noong Lunes, kinumpirma ng ministeryo ang higit sa 2,600 kaso sa buong bansa kung saan dalawa o higit pang mga tao sa iisang pasilidad ang nagpositibo.
Ang ilang mga impeksyon ay mula sa mga staff na pumasok pa din sa trabaho nang hindi nagpapa test, kahit na sila ay may lagnat o iba pang mga sintomas.
Kinokolekta ng mga kit ang isang sample mula sa ilong sa pamamagitan ng paggamit ng mga cotton swabs. Ang resulta ay lalabas sa loob ng 30 minuto, at sinasabing accurate ito at tulad ng mga PCR test.
Ang mga test kit ay gagamitin sa para sa mga taong may sintomas, ngunit ang mga nagkaroon ng pakikipag-ugnay sa isang tao na nag positibo sa isang pasilidad ay karapat-dapat din.
Ihahatid ang mga kit sa mga ospital, klinika na may mga inpatient, at mga pasilidad na may mga matatandang residente, tulad ng mga espesyal na home for the aged. Ang mga matatanda na inaalagaan sa bahay ay maaari ring makakuha ng mga kit na may pahintulot mula sa kanilang pamahalaang prefectural.
Plano ng ministeryo ng kalusugan na i-secure ang mga test kit sa pagtatapos ng buwan na ito at simulang ipamahagi ang mga ito sa lalong madaling panahon.
Join the Conversation