Pinaka-malaking batch ng vaccine, dumating sa Japan

Ang pinakamalaking batch ng mga bakuna laban sa coronavirus ay dumating sa Japan bago ang pagsisimula ng mga inokasyon para sa mga matatanda sa susunod na linggo.

Ang kargamento ng bakunang Pfizer-BioNTech ay dumating noong Lunes sa Narita Airport na malapit sa Tokyo mula sa Belgium, kung saan mayroong base sa produksyon ang drug manufacturer. Ito ang ika-11 na batch na ipinadala ng firm sa Japan.

Sinabi ng Pfizer na ang pinakabagong batch ay sapat para sa halos 2 milyong doses kung ipapalagay na anim na doses ang makukuha mula sa isang maliit na bote.

Ang pagbabakuna ng mga medical frontliners ay isinasagawa mula pa noong Pebrero. Ang programa ng inokasyon para sa humigit-kumulang na 36 milyong mga taong may edad na 65 at mas matanda ay magsisimula sa Abril 12.