Isang kababayan natin na naka-motorsiklo namatay sa banggaang nangyari sa Shizuoka

Isang kababayan natin na lalaki na nagmamaneho ng gentsuki(moped) bike ang namatay nang makabanggaan nito ang isang Kei na sasakyan bandang 7 ng umaga nung ika-30 sa Kakegawa shi Shizuoka Prefecture.

Ang kei car ay papaliko sana pa-kanan sa intersection ng T-junction sa Obuchi, Lungsod ng Kakegawa, at ang motorsiklo naman ay papadiretcho ang takbo nang magkabanggaan sila.

Ang Pilipinong nasawi ay kinilalang si  Ubana Randell Bovis, isang Haken shain sa Shimohirakawa, lungsod ng Kikugawa. Siya ay nagtamo ng malubhang pinsala sa kanyang buong katawan na nagsanhi ng pagkamatay nito.

Ang driver ng kei car naman ay walang natamong sugat. Ang lugar ng aksidente ay isang intersection na walang traffic light, patuloy na iniimbestigahan ng mga police ang sitwasyon at sanhi ng aksidente.

Source: Yahoo News